زوبیہ حسیب کا تعلق ملتان سے ہے اور اردو ادب کے ساتھ ان کا رشتہ نہایت گہرا اور پرانا ہے۔ انہوں نے 2018 میں اپنی پہلی نظم تخلیق کی، جس کے بعد افسانہ نگاری میں بھی اپنی صلاحیتوں کا اظہار کیا۔ اسکول اور کالج کے زمانے میں زوبیہ کو ان کی تخلیقی کاوشوں پر حقیقی پذیرائی ملی، اور ان کے ابتدائی قارئین میں زیادہ تر اساتذہ اور ہم جماعت شامل رہے۔
زوبیہ کی سب سے مقبول تخلیق نظم "مجھ کو تو چاہیے" ہے، جسے کالج کے مشاعروں اور تقریبات میں بے حد سراہا گیا۔ اس کے علاوہ، مختلف ادبی تقریبات میں بھی ان کی نظم گوئی نے نمایاں مقام حاصل کیا۔
موجودہ دور میں زوبیہ "Zobii_Writeess" کے نام سے واٹس ایپ اور انسٹاگرام پر اپنی ادبی سرگرمیاں جاری رکھے ہوئے ہیں۔ اردو ادب ان کی دنیا کا محور ہے، اور یہی ان کا اوّلین شوق اور صلاحیت ہے۔ ان کی تحریروں میں معاشرتی حقیقت اور انسانی جذبات کا عکس نمایاں ہوتا ہے، جو ان کے قلم کی سب سے بڑی خوبصورتی اور مقصد ہے۔
زوبیہ کی کچھ نظمیں قارئین کے ذوق کی تسکین کے لیے پیش خدمت ہیں
مجھ کو تو چاہیے
مجھ کو تو چاہیے
ہو با ہو روبرو چاہیے
نہ زر چاہیے نہ غرور چاہیے
تو چاہیے مجھ کو تو چاہیے
تیرے لفظوں پہ دھڑکن کو رقص چاہیے
تیرے چھونے سے محبت کو عکس چاہیے
نہ عبادت کو میری وضو چاہیے
نہ سجدوں کو میرے رکوع چاہیے
میرے خوابوں کو تو چاہیے
میری نیندوں کو سکوں چاہیے
میرے وجود کو لہو چاہیے
میری موت کو تو چاہیے
تیری بات کو میری شب چاہیے
تیری خاک کو میرے لب چاہیے
مجھ کو میں ...چاہیے
مجھ کو تو چاہیے...
خدا کی قسم چاہیے...
مجھ کو تو چاہیے..... مجھ کو تو چاہیے...
میں کہتی ہوں پیار بار بار نہیں ہوتا
ہو بھی تو یوں ہر بار نہیں یوتا
یہ وہ سودا ہے جسےخسارہ نہیں ہوتا
جو وہ نا ہو تو دل کا گزارا نہیں ہوتا
اس کا چہرہ میرے انتظار کو زوال نہیں دیتا
وہ بھی ضدی ہے میری نظروں کا جواب نہیں دیتا.
میری ہتھیلیاں جل جاتی ہیں گرم ریت کے جزیروں پر
اس کی تلیوں کو میری چاہت کا احساس نہیں ہوتا
وہ چاند جب چمکتا ہے تو وہ میرے پاس نہیں ہوتا
پھر بھی اس سے بڑھ کر مجھے کوئی خاص نہیں ہوتا
میں اس کے مل جانے سے ڈرتی ہوں حلیہ ساتھ نہیں دیتا
جو بھی ہو مقدر ہے اتنی اوقات نہیں دیتا
میں کہہ رہی ہوں نا.....
پیار بار بار نہیں ہوتا
ہو بھی تو یوں ہر بار نہیں ہوتا
سنو...
تم ....
میری چاہت ہو تم
میری راحت ہو تم
تمھارا لہجہ چاند کی طرح ہے
غم کی سرد راتوں میں
مجھے مسکراہٹ دیتے ہو
تمھارا دل! ......... اف!!!
بہت خوبصورت ہے یہ
بالکل تمھاری یادوں کی طرح
کسی شہزادی کی طرح ہوں میں وہاں
تم بھی کوئی گلفام لگتے ہو
دوسرا کوئی نہیں کائنات میں
ایک تم ہی تو مجھے تمام لگتے ہو
کبھی مہربان لگتے ہو
کبھی نگہبان لگتے ہو
مجھے کھونا نہیں تم
میرے جزبوں کے
قدردان لگتے ہو
تم جانتے ہو...!
تمھاری آنکھیں گہرے سمندر کی طرح ہے
پل بھر میں میرا دل ڈوب جاتا ہے
اور پھر جب سانس نہیں آتا نا....
تمھاری خوشبو سے سانس لیتی ہوں
گویا!
میرا سانس ہو تم
سنو...
میری چاہت ہو تم
میری راحت ہو تم
سنو
محبت نہیں کرتے
یہ دل کو چیر دیتی ہے
یہ جسم نوچ لیتی ہے
یہ روح پہ وار کرتی ہے
بے حد,بے شمار کرتی ہے
کبھی ہمدرد لگتی ہے
کبھی غرض کرتی ہے
کبھی حقیقت ہوتی ہے
کبھی بس فرض کرتی ہے
دعائیں رد کرتی ہے
نس نس میں درد کرتی ہے
کبھی مظلوم بنتی ہے
کبھی ظلم کرتی ہے
زندہ رکھتی ہے
مرنے نہیں دیتی
سزائیں سخت دیتی ہے
زخم بھرنے نہیں دیتی
نہ عادت ظرف رکھتی ہے
یہ پلڑا ہر طرف رکھتی ہے
مان جاؤ ۔۔۔
محبت نہیں کرتے
یہ دل کو چیر دیتی ہے
وہ کہتا ہے میں اسے بھول چکا ہوں
اس کو بھی بھلا کوئی بھول سکتا ہے
میں یونہی اس کی آنکھوں میں دیکھ رہا ہوں
بہتے چشموں کوبھی بھلا کوئی بھول سکتا ہے
عادت تو نہیں رہی فقط اب بھی یاد کرتا ہوں
اس کی عادت کو بھی بھلا کوئی بھول سکتا ہے
میں بہت دیر تک اس کے پہلو میں رہا ہوں
اس کی خوشبو کو بھی بھلا کوئی بھول سکتا ہے
میں یونہی اس کے تصور کو چھو رہا ہوں
لہجوں کی شرارت کو بھی بھلا کوئی بھول سکتا ہے
تم میرے دل میں ہو میں جا رہا ہوں
وہ لمحہ بھی بھلا کوئی بھول سکتا ہے
وہ کہتا ہے میں اسے بھول چکا ہوں
اس کو بھی بھلا کوئی بھول سکتا ہے
وہ میری زندگی سے جانا، تم نے یاد تو رکھا ہو گا
روح میں سما کر جسم سے جانا، تم نے یاد تو رکھا ہو گا
خط میں جو ہوئی تم سے وہ ملاقات کا منظر،
ہاتھوں میں لے کر ہاتھ وہ ہر بات کا منظر،
نم گھاس پر قدم قدم وہ تیرے ساتھ کا منظر،
بند لفافہ کسی کتاب میں تو رکھا ہو گا
یہ ممکن ہے کہ تم نے مجھے چھوڑ دیا ہوگا
پھر بھی دل میں کوئی عکس تو چھپا رکھا ہو گا
اور اگر میں نہیں ہوں تو لازم ہے کہ تم نے
میرا نعمل بدل کوئی شخص تو رکھا ہو گا
جس کو میسر ہو تم بڑی ہی مہربانی سے
پیش خدمت اس نے بھی تو کچھ نہ کچھ رکھا ہو گا
اور جب میں رو رہا تھا اپنی میت پر
میری چیخیں بلند تھیں میرے قہقہوں سے،
تمارے کاندھے پرتھا وہ جنازہ، تم نے یاد تو رکھا ہو گا
تمھارے دامن میں اب بھی گل بے وفائی اگتا ہوگا
نہیں معلوم کس کی آنکھ کا پانی اسے ملتا ہو گا
کیا خوب شناسائی ہے تم کو اپنے ہنر سے
میرے بعد بھی یہ جال کہیں تو بچھایا ہوگا ۔
وہ میری زندگی سے جانا، تم نے یاد تو رکھا ہو گا ۔
سنو میں پاگل
آوارہ نہیں ہوں
میری سرپرست
تم ہو
میں اولاد ہوں
اپنے ماں باپ کی
مگر
میری متاع جان
تم ہو
یہ حقیقت ہے دنیا
بہت مختصر ہے
لیکن
میری دنیا میں فقط
شامل تم ہو
میں ریشم کا الجھا ہوا
جال ہوں میری ہر گرہ کا
راز تم ہو
میرے فلک کا اجلا
ستارہ تم ہو
میں ایک گرتی ہوئی
دیوار ہوں میری آس
کاسہارا تم ہو
میرے پاس دل کے
سوا سرمایہ کچھ نہیں
اتنی دولت پاس رکھتے
ہو
کہتے ہو کمایا کچھ نہیں
دوبارہ کیسے کسی اور
کا ہو جاؤں
دل میں جو اترا وہ شخص
تم ہو
میں اٹل نظریے کا مالک ٹھرا
ارے شیدہ دل تو تم ہو
محور کوئی بھی ہو
محرک حیات تم ہو
میں پاگل آوارہ نہیں ہوں
میری سرپرست تم ہو
اگر یہ یونہی محنت کرتی رہیں تو امید ہے اللہ تعالیٰ ان کو مزید ترقیوں سے نوازے گا
